යුද්ධය නිමකිරීමෙන් පසුව ප්‍රගතියක් ලබමින් ඇති සාමකාමී ශ්‍රී ලංකාව ජර්මනිය සමඟ ආයෝජන සහ වෙළඳ කටයුතු වර්ධනය කර ගැනීමට අපේක්ෂා කරන බව ජර්මනියේ ශ්‍රී ලංකා තානාපති සරත් කෝන්ගහගේ මහතා පවසයි. ජර්මනියේ බ්‍රීමෙන් හි ආසියා ශාන්තිකර ව්‍යාපාරික සංගමයේ 113 වැනි සංවත්සර උළෙල අමතමින් ඔහු මේ බව ප්‍රකාශ කළේය.ඔහු මෙම උත්සවයේ විශේෂ ආරාධිතයා සහ ප්‍රධාන කථිකයා විය. තවදුරටත් කථා කළ සරත් කෝන්ගහගේ මහතා ශ්‍රි ලංකාව ගුවන් සේවා, සාගර. දැනුම,බලශක්ති, සහ වාණිජ යන කේන්ද්‍රීය අංශවල මෙන්ම සංචාරක කර්මාන්තයේ ආයෝජන ඉඩප්‍රස්ථා හඳුනා ගෙන ඇති බව පැවසීය.
ජර්මනියේ බ්‍රීමෙන් හි ආසියා ශාන්තිකර ව්‍යාපාරික සංගමය වෙළදාම, කර්මාන්ත, බැංකු සහ කුඩා සහ මධ්‍ය පරිමාණ ව්‍යවසායන් රැසක නිරත ව්‍යාපාරිකයන්ගෙන් සැදුම් ලත් පුළුල් සංවිධානයකි. ශ්‍රී ලංකාවේ ප්‍රතිසංධාන ක්‍රියාවලිය සහ ආයෝජන හා වෙළඳ කටයුතු වෙනුවෙන් ඇති හිතරකර වාතාවරණය සහ පහසුකම් ඔහු මෙම පිරිස හමුවේ විස්තර කළේය. ජර්මනිය යුරෝපා සංගමයේ රටවල් අතුරින් ශ්‍රී ලංකාවේ වැඩිම ආයෝජන ප්‍රමාණයක් කර ඇති දෙවැනි රටයි. එමෙන්ම
ශ්‍රී ලංකාවේ උසස් තත්වයේ නිෂ්පාදන රැසක් ජර්මනිය මිලදී ගනී.
SP
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
