එසේම තිරික්කල් තරඟ, අලි රේස්, අශ්ව රේස් ආදී විශේෂ තරඟ රැසක් පැවැත්වෙන අතර එම තරඟ සිදු කිරීමේදී සත්ත්වයන්ට කිසිදු හිරිහැරයක් නොවන පරිදි කිරීමට සංවිධායක මණ්ඩලය කටයුතු සුදානම් කර ඇති අතර යම් ආකාරයක සත්ත්ව හිංසනයක් සිදු වුවහොත් එම තරඟ කරුවන් තරඟයෙන් ඉවත් කරන බවද සභාපති චිරන්ත හෙට්ටිආරච්චි මහතා පැවසුවේය.
ගමහරහා දිවීම, කඹ ඇදීමේ තරඟ, විවෘත පාපැදි සවාරි, බොරු කකුල් තරඟ, කොට්ටාපොර තරඟ, අවුරුදු කුමරා කුමරිය තේරීමේ තරඟ ආදී තරඟ රාශියක් 20 වන දින දවස පුරා පැවැත්වෙන අතර හෝමාගම ක්‍රීඩා සමාජයේ බක්මහ උළෙලට ලක්වාසී සියලු ජනතාවට සහභාගී වන මෙන් විවෘතව ආරධනා කරන බව හෝමාගම ක්‍රීඩා සමාජයේ සභාපති චිරන්ත හෙට්ටිආරච්චි මහතා පැවසුවේය.
