ධීවර අමාත්‍යාංශයට අයත් ජාතික ජලජීවී වගා සංවර්ධන අධිකාරියේ (Naqda) සභාපති ලෙස කටයුතු කළ ආචාර්ය ජයන්ත විජේරත්න මහතා අස්වැසුම සභාපතිවරයා ලෙස පත් කිරීම හේතුකොට ගෙන Naqda ආයතනයේ ඇතිවු පුරප්පාඩුව සදහා අස්වැසුම හි හිටපු සභාපතිවරයා ලෙස කටයුතු කළ ආචාර්ය බී.විජේරත්න මහතා නැක්ඩා ආයතනයේ සභාපතිවරයා ලෙස ධීවර අමාත්‍ය ඩග්ලස් දේවානන්ද මහතා විසින් පත් කර ඇත.
පත්වීම් ලිපිය අද (06) ධීවර අමාත්‍යාංශයේදී අමාත්‍ය දේවානන්ද මහතා විසින් නව සභාපති ආචාර්ය බී. විජේරත්න මහතා වෙත ප්‍රදානය කරන ලදි.
ධීවර අමාත්‍යාංශයේ ලේකම් ඉන්දු රත්නායක, ධීවර දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත යන මහත්ම මහත්මීන් මෙම අවස්ථාවට එක්වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
