එයට සමගාමීව පොල් සංවර්ධන අධිකාරියේ නවීකරණය කරන ලද යාපනය දිස්ත්‍රික් කාර්යාලය සහ අභිනවයෙන් ස්ථාපිත කරන පොල් පර්යේෂණ ආයතනයේ ශාඛා කාර්යාලයද විවෘත කිරීමට ද අමාත්‍යවරයා එක්විණි.
' උතුරට කප්රුක - උතුරු පොල් ත්‍රිකෝණය ' තේමාවෙන් ආරම්භ කරන ලද උතුරු පොල් ත්‍රිකෝණය තුළින් ඉදිරි වසර 5 ක කාලය තුළ මෙරට පොල් ආශ්‍රිත නිෂ්පාදන කර්මාන්තයේ අපනයන ආදායම ඇමෙරිකානු ඩොලර් බිලියන 2 ඉක්මවීම වැවිලි කර්මාන්ත අමාත්‍යංශයේ ඉලක්කය වෙයි. එම ඉලක්කයන් සපුරා ගැනීමේදී අභිනව පොල් පර්යේෂණ ආයතනයේ ශාඛා කාර්යාලය මගින් උතුරු පළාතේ පොල්වගා කර්මාන්තය වෙනුවෙන් ප්‍රමුඛ කාර්ය භාරයක් ඉටු කිරිම මෙහි අරමුණ වේ.
