පුත්තලම දිස්ත්‍රික්කයේ ගොවීන්ගේ වී මිලදී ගැනීමේ කටයුතු මේ දිනවල වී අලෙවි මණ්ඩලය මගින් කඩිනමින් සිදු කරනු ලබයි. මේ වන විට වී මෙට්ට්‍රික් ටොන් 3938ක් මණ්ඩලය විසින් මිලදී ගැනීමට සැලසුම් කර ඇත. එම වී තොග වී මිලදි ගැනීම සඳහා රජය රුපියල් මිලියන 178 .507ක මුදලක් වෙන් කර තිබේ.
එමෙන්ම වී අලෙවි මණ්ඩලය මගින් නාඩු වී මෙට්ට්‍රික් ටොන් 3683 ක් මිලදි ගෙන ඇති අතර, ඒ සඳහා රජය මගින් රුපියල් මිලියන 165 ක් වියදම් කර ඇත. සම්බා වී මෙට්ට්‍රික් ටොන් 254ක් වී අලෙවි මණ්ඩලය මගින් ලබා ගෙන ඇති අතර, ලබාගත් වී තොගයේ වටිනාකම රුපියල් මිලියන 12 කි.
ඒ අනුව මේවනවිට පුත්තලම දිස්ත්‍රික්කයේ ගොවීන් 2068දෙනෙකුගෙන් වී මිලදි ගෙන ඇති අතර, තබ්බෝව , ආණමඩුව, රාජකදළුව යන ගබඩා වී ගබඩා කිරීම සඳහා යොදාගෙන ඇත.
JHS_dmu_Puttalam
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
