කොරියානු රැකියා සඳහා කිසිඳු දේශපාලන මැදිහත්වීමක් සිදුනොවන අතර,කොරියානු මානව සම්පත් සංවර්ධන දෙපාර්තමේන්තුව විසින් ස්වාධීනව හා විනිවිද අයුරින් විභාගය පවත්වා අපේක්‍ෂකයින් තෝරාගැනීම සිදුකරන බවද අමාත්‍යවරිය පවසයි.
මේ අතර, දකුණු කොරියාවේ නීතිවිරෝධීව රැඳී සිටින 4300 කට ආසන්න පිරිස නිසා ගැටළු ඇතිවී තිබෙන බවත්, මොවුන් නිසා ශ‍්‍රී ලාංකිකයින්ට නව රැකියා ලැබීමේ ප‍්‍රමාදයක්ද ඇතිවී තිබේ. මොවුන් කොරියානු රජය ශ‍්‍රමිකයින් සඳහා අනුමත කරන අවුරුදු 4යි මාස 10ක වීසා කාලය ඉක්මවා සැඟව සිටිති. මෙම පිරිස, තානාපති කාර්යාලය හරහා සොයාබලා නැවත ලංකාවට ගෙන්වා ගැනීමට කටයුතු කරන බවද අමාත්‍යවරිය වැඩිදුරටත් අවධාරණය කළාය.
