මැයි 19, 2024
( Best web.lk ) LK Domain Registry ආයතනය වාර්ෂිකව සංවිධානය කරන ශ්‍රී ලංකාවේ හොඳම වෙබ් අඩවි තෝරා ගැනීමේ තරඟාවලීන් රජයේ ප්‍රවෘත්ති දෙපාර්තමේන්තුව යටතේ ක්‍රියාත්මක වන රජයේ නිල පුවත් වෙබ් අඩවිය (www.news.lk) රිදී සම්මානය හිමිකර ගැනීමට සමත් විය.
Media, Sports & Entertainment අංශය යටතේ මෙම රිදී සම්මානය අඛණ්ඩව දෙවැනිවරටත් හිමිකරගැනීමට රජයේ නිලපුවත් වෙබ් අඩවියට හැකිවීම සුවිශේෂී ජයග්‍රහණයකි. 2017 වසරේ ද රජයේ නිලපුවත් වෙබ් අඩවිය රිදී සම්මානය හිමි කරගැනීමට සමත් වූ අතර වසර ගණනාවක් පුරා අඛණ්ඩව සම්මන හා ඇගයීමට පාත්‍ර වීමට නිල පුවත් වෙබ් අඩවිය සමත් වී තිබේ.
ශ්‍රී ලංකා රජයේ නිල පුවත්, අන්තර්ජාලය ඔස්සේ මහජනතාවට ලබාදීමට රජයේ නිලපුවත් වෙබ් අඩවිය කටයුතු කරන අතර ජනතා විශ්වාසය දිනාගනිමින්, සමබර හා විශ්වසනීය පුවත් සම්පාදනයක් සිදු කිරීමට අඛණඩව කටයුතු කරමින් සිටියි.
රජයේ නිලපුවත් වෙබ් අඩවිය මෙලෙස රිදී සම්මානයෙන් ඇගයීමට ලක් වීම පිළිබඳව රජයේ ප්‍රවෘත්ති අධ්‍යක්ෂ ජනරාල්වරය ඇතුළු වෙබ් අඩවියේ සමස්ත කාර්ය මණ්ඩලය විසින් සමස්ත ලක්වැසි ජනතාවට මෙන් ම ශ්‍රී ලංකාවෙන් පිටත සිට නිල වෙබ් අඩවිය පරිශීලනය කරන ජනතාව වෙත ස්තූතිය පුද කර සිටියි.
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
