ඊයේ පෙරවරු 10.00 සිට පස්වරු 12.30 දක්වා විදේශ කටයුතු අමාත්‍යාංශයේ වැය ශීර්ෂය විවාදයට ගත් අතර එම විවාදයෙන් අනතුරු ව ඊයේ පස්වරු 1.00 සිට පස්වරු 6.30 දක්වා ජනමාධ්‍ය හා ප්‍රවෘත්ති අමාත්‍යාංශයේ වැය ශීර්ෂයන් විවාදයට ගැනිණි.

අනතුරුව කාරක සභා අවස්ථාවේ විවාදය අවසන් වීමෙන් පසු ව නියෝජ්‍ය කාරක සභා සභාපති මුරුගේසු චන්ද්‍රකුමාර් මහතා විදේශ කටයුතු අමාත්‍යාංශයට අයත් 112 වැය ශීර්ෂයට ද ඉදිකිරීම්, ජනමාධ්‍ය හා ප්‍රවෘත්ති අමාත්‍යාංශයට අයත් 122, 210, 211 වැය ශීර්ෂයන්ට කාරක සභාවේ එකඟත්වය විමසීමෙන් පසු ව එයට අනුමැතිය පළවිය.

අනතුරු ව යළි පාර්ලිමේන්තුව රැස්විණි. එහිදී ඉහත අමාත්‍යංශ දෙකට අයත් වැය ශීර්ෂයන් කාරක සභා අවස්ථාවේ සලකා බලා සංශෝධන රහිත ව සම්මත වූ බව නියෝජ්‍ය කාරක සභා සභාපති මුරුගේසු චන්ද්‍රකුමාර් මහතා සභාවට දැනුම් දෙන ලදී.

HC/NDH