වසර නවයක් රට පුරා සිදු කළ දැවැන්ත සංවර්ධන සැලැස්ම නිසා මෙම සහන ලබා දීමට හැකි වූ බව පවසන අමාත්‍යවරයා රටේ සියලු දෙනා ම ලැබූ විශාල ජයග්‍රහණයක් ලෙස මෙය හැඳින්විය හැකි බව ද කියා සිටියේය.
අමාත්‍යවරයා මේ බව පැවසුවේ අද (24) පාර්ලිමේන්තුවේදී අය-වැය ඉදිරිපත් කිරීමෙන් අනතුරු ව මාධ්‍යවේදීන්ට අදහස් දක්වමිනි.
මේ රටේ සියලු දෙනාට ම එක සේ සමාන ව සලකමින් සහන දීමට මෙවර අය-වැය මඟින් හැකි වුණා. කෘෂිකර්මාන්තය මුල් කරගනිමින් ආර්ථිකය නංවාලීමට හැකි වීම තුළින් මේ සහන ලබා දීමට හැකි විය. සෞඛ්‍ය, අධ්‍යාපන, කෘෂිකර්මාන්තය ඇතුළු සියලු අංශ කෙරෙහි මෙවර අය-වැය මඟින් ජනාධිපතිවරයා අවධානය යොමු කර ඇති බව පවසන අමාත්‍යවරයා අධ්‍යාපනය සහ සෞඛ්‍ය ක්ෂේත්‍රයන් සඳහා විශාල මුදලක් වෙන් කර ඇති බව ද වැඩිදුරටත් පැවසීය.
NDH/HC/SDF