ආසියානු ඕසනියා පැරාලිම්පික් චැම්පියන්ෂිප් තරගාවලිය 2016 මාර්තු 12 සිට 16 දින දක්වා ඩුබායිහිදී පැවැත්වේ.
මෙවර තරගාවලියෙන් ජාත්‍යන්තර පැරාලිම්පික් කමිටුව අනුමත 2016 රියෝ පැරාලිම්පික් සදහා අවසාන සුදුසුකම් සදහා තෝරා ගැනීම සිදුවේ.
ඔස්ට්‍රේලියානු හා ආසියානු මහද්වීපයන්හි රටවල් 70 ක් පමණ මෙම තරගාවලිය සදහා සහභාගී වේ. පැරාලිම්පික් ලෝක ශූරාතාවලියට පසුව පවත්වන ප්‍රධානතම තරගාවලිය මෙය වේ.
මෙවර ආසියා ඕසනියා පැරාලිම්පික් තරගාවලිය සදහා ශ්‍රී ලංකාවෙන් සහභාගීවන ක්‍රීඩක ක්‍රීඩිකාවන් හා නිළධාරීන් පිරිස ක්‍රීඩා අමාත්‍ය නීතිඥ දයාසිරි ජයසේකර මහතා හමුවිය. මෙවර ශ්‍රී ලංකාව නියෝජනය කරමින් ක්‍රීඩක ක්‍රීඩිකාවන් 09 දෙනෙක් සහභාගී වේ.
