එක්සත් ජාතීන්ගේ සාම සාධක මෙහෙයුම්වලට ශ්‍රී ලංකාව සහභාගී වීමට ඇති ඉඩ ප්‍රස්තා වැඩි කර ගත හැකි ආකාර පිළිබඳව දෙදෙනා අතර පුළුල් සාකච්ඡාවට ලක් විය.
තානාපතිනි පවර් මහත්මිය හමුවීමෙන් අනතුරුව අමාත්‍ය සමරවීර මහතා එක්සත් ජාතීන් සඳහා ස්වීඩනයේ නිත්‍ය නියෝජිතවරයා විසින් පවත්වන ලද සංවාදයකට එක්සත් ජාතීන්ගේ සාමය ගොඩනැගීමේ කොමිෂන් සභාවේ සාමාජිකයින් සමඟ සහභාගී විය.
ශ්‍රී ලංකාවේ පශ්චාත් ගැටුම් අවධියේ සිදුවන පරිවර්තනය සහ සාමයේ ප්‍රතිලාභ අත්කර ගැනීමේ ආකාර ඇතුලත් සාමය ගොඩ නැගීමේ ප්‍රයත්නවලට සහය විය හැකි ආකාරය පිළිබඳව මේ සාකච්ඡාවේදී අවධානයට යොමු විය.
