විදේශ කටයුතු අමාත්‍ය මංගල සමරවීර මහතා හා එක්සත් ජාතීන්ගේ සංවර්ධන වැඩසටහන් ප්‍රධානි හෙලන් ක්ලාක් මහත්මිය අතර හමුවක් ඊයේ (23) දින පැවැත්විණි.
එහිදී ශ්‍රී ලංකාවේ සංවර්ධනය සම්බන්ධයෙන් එක්සත් ජාතීන්ගේ සංවර්ධන වැඩසටහනේ (UNDP) සහයෝගය ශක්තිමත් කිරීම පිළිබඳ සාකච්ඡාවට ලක් විය.
අද (24) දින ඒ මහතා මෙම වැඩසටහනේ 50 වන සංවත්සරය වෙනුවෙන් පැවැත්වෙන අමාත්‍ය හමුවකට සහභාගී වීමට නියමිතය.
එක්සත් ජාතීන්ගේ සංවර්ධන වැඩසටහන ශ්‍රී ලංකාවේ සිය වැඩ කටයුතු ආරම්භ කළේ එම වැඩසටහන ආරම්භ කිරීමෙන් වසරකට පසුව යෙදුනු 1967 වසරේදීය. ඒ මහවැලි සංවර්ධන සැලසුම වෙනුවෙන් වැදගත් කාර්යයභාරය ඉටු කිරීම සඳහාය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
