මේ දිනවල ශ්‍රී ලංකාවේ සංචාරයක යෙදී සිටින ස්වීඩන රජයේ දූත මණ්ඩල නියෝජ්‍ය ප්‍රධානි දන්ලාල් වොල්වෙන් (Danlal Wolven) සහ මාර්කස් හෝල්ක්නෙට් (Marcus Holknekt) යන මහත්වරුන්, පාර්ලිමේන්තු ප‍්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා හමු විය.
පාර්ලිමේන්තු පරිශ්‍රයේදී ආණ්ඩු පක්ෂයේ ප‍්‍රධාන සංවිධායක කාර්යාලයේදී ඊයේ (14) මෙම හමු පැවැත්විණි.
ශ්‍රි ලංකාවේ දැනට පවතින දේශපාලන තත්ත්වය, රජයේ ඉදිරි සංවර්ධන දැක්ම හා එහි ක්‍රියාකාරීත්වය පිළිබඳ දෙපාර්ශවය අතර සාකච්ඡාවට ලක් විය.
මෙම අවස්ථාවට පාර්ලිමේන්තු ප‍්‍රතිසංස්කරණ හා ජනමාධ්‍ය නියෝජ්‍ය අමාත්‍ය කරුණාරත්න පරණවිතාන මහතා එක්ව සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
