ශ්‍රී ලංකා ඉන්දියා තරුණ හුවමාරු වැඩසටහන යටතේ 22 ක කණ්ඩායමකින් යුත් රණවිරු පවුල් වල දරුවන් පිරිසක් පසුගිය 05 වැනි දින ඉන්දියාව බලා පිටත් වූ බව ආරක්ෂක අමාත්‍යාංශය සඳහන් කරයි.
මෙම සංචාරයේ දී එම පිරිස නව දිල්ලිය, අග්රා හා ජායිපූර් ඇතුළු ඉන්දියාවේ ප්‍රධාන ස්ථානයන නැරඹීමට එක් වනු ඇත.
පසුගිය දින මෙරට සංචාරයක යෙදෙනු ඉන්දියානු හමුදා ප්‍රධානී ජෙනරල් දල්බීර් සිං මහතා ශ්‍රී ලංකා යුද හමුදාපති ලුතිතන් ජෙනරල් ක්‍රිශාන්ත ද සිල්වා මහතා වෙත කළ ආරාධනාවකට අනුව මෙම සංචාරය සංවිධානය කර තිබුනි.
ඒ අනුව මෙම චාරිකාව යුද හමුදාවේ සේවා වනිතා ඒකකය මගින් සම්බන්ධීකරණය කරනු ලබන බව එම අමාත්‍යාංශය වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
