ජාතික මහා ක්‍රීඩා උළෙලේ කාන්තා ක්‍රිකට් රන් පදක්කම සබරගමුව පළාත දිනා ගනියි. සබරගමුව පළාත හා නැ‍ඟෙනහිර පළාත අතර පැවැති අවසන් තරගයේදී ලකුණු 11ක ජයක් සබරගමුව පළාතට හිමි විය.
මාතර උයන්වත්ත ක්‍රීඩා පිටියේ පැවැති මේ ක්‍රිකට් තරගාවලියේ කණ්ඩායමකට ක්‍රීඩිකාවන් හයදෙනකු බැගින් සහභාගීවූ අතර ඉනිමක් ඕවර් 5කට සීමා විය.
මුලින් පන්දුවට පහරදුන් සබරගමුව ක්‍රීඩිකාවෝ ලකුණු 45ක් ලබාගත් අතර නැගෙනහිර පළාතට ලබාගත හැකි වූයේ ලකුණු 34ක් පමණි. කාන්තා ක්‍රිකට් ලෝකඩ පදක්කම මධ්‍යම පළාතට හිමිවූ අතර දක්ෂතම ක්‍රීඩිකාවට හිමි සම්මානය සබරගමුව පළාතේ ෂලේකා නිරුක්ෂිනීට හිමි විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
