මෙහිදී විදේශ රැකියා අමාත්‍ය තලතා අතුකෝරළ මහත්මිය සඳහන් කළේ, ඉදිරියේදී ශ‍්‍රී ලංකාවෙන් පුද්ගලයින් විදේශ රැකියා සඳහා යොමුකිරීමේ දී නිපුණතා සහිත වෘත්තීය දක්‍ෂතා (Skill & Professional) ඇති ශ‍්‍රමිකයින් ලබාදීමට කටයුතු කරන බවයි. කුවේට්හි ආගමන විගමන නීති ප‍්‍රකාරව 15 වන වගන්තිය (Article 15) යටතේ රැකියා ලබාදීම සඳහා ශ‍්‍රී ලංකාවට ප‍්‍රමුඛතාවය ලබාදෙන බව එරට සමාජ කටයුතු හා කම්කරු අමාත්‍යතුමිය මෙහිදී සඳහන් කළාය.
ඉදිරියේදී වැඩි රැකියා අවස්ථා ප‍්‍රමාණයක් ලබාගැනීම සඳහා එරට සමාජ කටයුතු හා කම්කරු අමාත්‍යවරිය හා ශ‍්‍රී ලංකාවේ තානාපති කාර්යාල නිලධාරීන්ගේ වෙනමම කමිටුවක් ඇතිකරන බව විදේශ රැකියා අමාත්‍යවරිය මෙහිදී වැඩිදුරටත් සඳහන් කළාය.
මේ වසරේ ජනවාරි සිට ජූනි මාසය දක්වා පිරිමි පුද්ගලයින් 6538 දෙනෙකු කුවේට් රටට රැකියා සඳහා පිටව ගොස් ඇති අතර, කාන්තාවන් 13032දෙනෙකු පිටව ගොස් ඇත. එසේම 2014 වසරේදී පුද්ගලයින් 43528 දෙනෙකු රැකියා සඳහා ගොස් ඇත.
මෙම අවස්ථාවට විදේශ රැකියා අමාත්‍යංශයේ උපදේශිකා පත්මිණි රත්නායක මහත්මිය හා අමාත්‍යතුමියගේ සම්බන්ධීකරණ ලේකම් ඉන්ද්‍රජිත් විජේසූරිය මහතාද එක්වූහ.
SDF
