ආධුනික සහ ප්‍රවීණ වයස් කාණ්ඩ යටතේ පැවැති මෙම මලල ක්‍රීඩා උළෙල දියගම මහින්ද රාජපක්ෂ ජාත්‍යන්තර ක්‍රීඩාංගනයේදී පසුගියදා පැවැත්විණි.
මෙම තරඟාවලියේ දී එනම් වයස අවුරුදු 40 ට වැඩි කාණ්ඩය යටතේ ශ්‍රී ලංකන් ගුවන් සමාගමේ මලල ක්‍රීඩා කණ්ඩායම ලකුණු 166 ක් ලබාගත් අතර ඊට රන් පදක්කම් 21 , රිදී පදක්කම් 20 ක් සහ ලෝකඩ පදක්කම් 8 ක් ඇතුලත් විය. එසේම ශ්‍රී ලංකන් ගුවන් සමාගම මෙම මලල ක්‍රීඩා උළෙලේ දී අනුශූරතාවය, ප්‍රවීණයන්ගේ මලල ක්‍රීඩා ශූරතාව සහ සමස්ත පිරිමි මලල ක්‍රීඩා ශූරතාවය දිනාගන්නා ලදී.
ශ්‍රී ලංකන් ගුවන් සමාගමේ ඉංජිනේරු අංශයේ නර්මදා ගයාත්‍රි වයස අවුරුදු 35 ට වැඩි දක්ෂතම මලල ක්‍රීඩිකාව ලෙස සම්මාන දිනාගත් අතර ගුවන් සමාගමේ ආරක්ෂක සහ විමර්ෂන අංශයේ සුසන්ත මාවෙල සහ කේ පී එම් ප්‍රනාන්දු වයස අවුරුසු 45 ට වැඩි දක්ෂතම මලල ක්‍රීඩකයා සහ වයස අවුරුදු 50 වැඩි දක්ෂතම මලල ක්‍රීඩකයා ලෙස සම්මාන දිනාගන්නා ලදී.
AP
