විසි හත්වන මහවැලි ක්‍රීඩා උළෙළේ සමාප්ති උත්සවය අද (13) සන්ධ්‍යාවේ ගල්නෑව මහවැලි ක්‍රීඩාංගනයේ දී, ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් උත්කර්ෂවත් ලෙස පැවැත්විණි.
ක්‍රීඩා උළෙලේ දක්ෂතා දැක්වූ ක්‍රීඩක ක්‍රීඩිකාවන්ට තිළිණ ප්‍රදානය මෙහිදී ජනාධිපතිවරයා අතින් සිදු කෙරුණු අතර මහවැලි ජනාධිපති ශූරතා සම්මානය ලකුණු 93 ක් ලබා ගත් මහවැලි බී කලාපය විසින් දිනාගන්නා ලදී.
ක්‍රීඩා අමාත්‍ය දයාසිරි ජයසේකර මහතා ද අමාත්‍ය වරුන් වන අර්ජුන රණතුංග, දුමින්ද දිසානායක, පී හැරිසන්, නියෝජ්‍ය අමාත්‍ය අනුරාධ ජයරත්න යන මහත්වරුන් ද මෙම සමාප්ති උළෙලට එක්ව සිටියහ.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
