ශ්‍රී බේස් කඳවුර වෙත පැමිණි මේජර් ජෙනරාල් ලුසියානෝ පෝර්ටලානෝ එහි පිවිසුම අභියස දී පිළිගනු ලැබුවේ ශ්‍රී ලංකා බල ඇණියේ අණදෙන නිලධාරි ලුතිතන් කර්නල් ජී.පී. කොඩිතුවක්කු මහතා විසිනි. එහි දී මේජර් ජෙනරාල්වරයා වෙත සම්මාන මුරයක් පිළිගන්වා ගෞරව දැක්වීමට ශ්‍රී ලංකා බල ඇණිය ක්‍රියා කළහ.
එහි දී සිය කාර්යභාරය හා එහි ප්‍රගතිය පිළිබඳ ව ශ්‍රී ලංකා අණදෙන නිලධාරි විසින් සාමාසාධක ප්‍රධානි දැනුවත් කරන ලදී.
ඉන් අනතුරුව ශ්‍රී ලංකා සාමසාධක සෙබලුන් ඇමතූ මේජර් ජෙනරාල් පෝර්ටලානෝ ඔවුන් සිදු කරන සේවය සහ කැපකිරීම වෙනුවෙන් සිය ප්‍රසාදය පිළිගැන්වීය. අනතුරුව සාමසාධක ප්‍රධානි ශ්‍රී ලංකා බල ඇණිය සමඟ සමූහ ඡායාරූපයකට ද පෙනී සිටියේය. එමෙන්ම සමරු තිළිණ හුවමාරුවක් ද මෙහි දී සිදු කෙරිණි.
ලෙබනනයේ සේවය කරනු ලබන 9 වන ශ්‍රී ලංකා සාමසාධක බලඇණිය මෙය වේ.
army.lk
