ශ්‍රී ලංකා කි‍්‍රකට් කණ්ඩායම සහභාගී වන අන්තර්ජාතික කි‍්‍රකට් තරග ශ්‍රී ලංකාවේ විකාශනය කිරීමේ නිල විකාශන අයිතිය ජාතික රූපවාහිනී සංස්ථාවට ලබාදීමට කි‍්‍රකට් අතුරු කමිටුව තීරණය කර තිබේ.
ශ්‍රී ලංකාව තුළ කි‍්‍රකට් තරග විකාශනය කිරීමේ නිල අයිතිය ලබාදීම සම්බන්ධයෙන් ශ්‍රී ලංකා කි‍්‍රකට් ආයතනයෙන් ලබාගත් මිල ගණන් සහ අදාළ ලිපි ලේඛන සැලකිල්ලට ගනිමින් ඉකුත් දා (04) පැවැති කි‍්‍රකට් අතුරු කමිටු රැස්වීමකදී ඔවුන් මෙම තීරණයට එළඹ තිබේ.
ඒ අනුව මේ වසරේ (2015) සිට ඉදිරි වසර 3 ක කාලය දක්වා ශ්‍රී ලංකා කි‍්‍රකට් කණ්ඩායම සහභාගී වන කි‍්‍රකට් තරග ශ්‍රී ලංකාව තුළ විකාශනය කිරීමේ නිල විකාශන අයිතිය ජාතික රූපවාහිනී සංස්ථාවට හිමිවී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
