අනුරාධපුර නුවරගම් පළාතේ මහ බුලංකුලම නීග්‍රෝධ පෙරපාසලේ හා නාච්චාදූව ප‍්‍රාදේශීය ලේකම් කොට්ඨාසයට අයත් නෙළුබෑව පෙරමඟ පෙරපාසල් ගෙවතුවල පැළ රෝපණය කිරීම ද ජනාධිපති ආර්යා ශිරන්ති රාජපක්‍ෂ මැතිණිය හා උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතාගේ ප‍්‍රධානත්වයෙන් සිදු කළහ.
මෙහිදී පෙරපාසල් දරුවන් හා දෙමාපියන් සමඟ සුහද සාකච්ඡාවක නියැළුණු රාජපක්‍ෂ ආර්යාව ප‍්‍රධාන මැති ඇමතිවරුන්ගේ ගැටලු පිළිබඳව ද සාකච්ඡා කළාය.
උතුරු මැද පළාතේ පෙරපාසල් දරුවන් සඳහා අවශ්‍ය ඩෙස් පුටු හා උපකරණ ලබා දීමට රුපියල් ලක්‍ෂ 75ක මුදලක් ලබා දෙන බවත් පූර්ව ළමාවිය සංවර්ධන අධිකාරියේ ක්ෂේත‍්‍ර නිලධාරීන් සඳහා තීරු බදුවලින් තොර යතුරුපැදි ලබා දීමට කටයුතු කරන බවත් මෙහිදි අවධාරණය කෙරිණ.
මෙම උත්සවයේදි දීර්ඝ කාලයක් පෙරපාසල් ගුරුවරියන් ලෙස සේවය කරමින් සිටින පෙරපාසල් පාළිකාවන්ගේ සේවය ඇගයීමේ උපහාර තිළිණ ද ප‍්‍රදානය කරන ලද්දේ ජනපති ආර්යාව විසිනි.
මෙහිදී ප‍්‍රධාන අමාත්‍යවරයා විසින් ජනාධිපති ආර්යා ශිරන්ති රාජපක්‍ෂ මහත්මිය වෙත සමරු තිළිණයක් ද පිළිගන්වන ලදී.
පළාත් ශ‍්‍රවණාගාරයේ පැවති පෙරපාසල් උත්සවයෙන් පසු රාජපක්‍ෂක ආර්යාව, ප‍්‍රධාන මැති ඇමතිවරුන් අනුරාධපුර ශික්ෂණ රෝහලේ පිළිකා වාට්ටු ඒකකය හා වකුගඩු රෝග ඒකකයේ නිරික්‍ෂණ චාරිකාවක් ද සිදු කළ අතර එහිදි රෝගීන් සමඟ සුහඳ පිළිසඳරක ද යෙදීමට ද කටයුතු කළහ.
අනුරාධපුර මහජන ක‍්‍රීඩාංගණයේ පැවති ළමා සැණකෙළියට ද රාජපක්‍ෂ ආර්යාව සහභාගී වූවාය.
මෙම අවස්ථාවන්ට වාරිමාර්ග හා ජල කළමනාකරණ නියෝජ්‍ය අමාත්‍ය ඩබ්ලිව්.බී. ඒකනායක මහතා ද සහභාගි විය.
NDH/HC
