සැප්තැම්බර් 27 වැනි දිනට යෙදී තිබූ ලෝක සංචාරක දිනය වෙනුවෙන් විශේෂ සැමරුම් උත්සවයක් නුවරඑළිය නගරයේදී පැවැත්වීනි. දෙස් විදේස් සංචාරකයන් පිරිසකගේ ද සහභාගිත්වයෙන් පැවැති මෙම සැමරුම් උත්සවය නුවරඑළිය සංචාරක මඟපෙන්වන්නන්ගේ සංගමය හා නුවරඑළිය මහ නගර සභාව එක්ව සංවිධාන කර තිබිණි.
මෙම උත්සවයට සමගාමීව පාසල් දරු දැරියන්ගේ නර්තනයන් කීපයක්ද ඉදිරිපත් කර තිබූ අතර සංචාරක දිනය නිමිත්තෙන් පවත්වා තිබූ ඡායාරූපකරණ තරගයේ ජයග්‍රාහකයන්ට සහතික පත් සහ මුදල් ත්‍යාග පිරිනැමීමද මෙදින සිදුවිය.
නගරාධිපති චන්දන ලාල් කරුණාරත්න, හිටපු නගරාධිපති මහින්ද දාඩම්පේ ගමගේ, නුවරඑළිය පොලිස් මූලස්ථානාධිපති චන්දන බස්නායක, නාගරික කොමසාරිස් සුජීවා බෝධිමාන්න, අරලිය හෝටල් සමූහ ව්‍යාපාරයේ අධිපති ඩඩ්ලි සිරිසේන යන මහත්ම මහත්මින් ඇතුළු පිරිසක් මෙම අවස්ථාවට සහභාගි වී සිටියහ.
DMU/Nuwara Eliya
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
