කෑගල්ල දිස්ත්‍රික්කය තුළ වගාකරන දේශීය අල වර්ග 68 කින් යුක්ත දේශීය අලවර්ග ප්‍රදර්ශනයක් පැවැත්වීමට ඉදිරියේ දී කටයුතු කරන බව කෑගල්ල දිස්ත්‍රික් ලේකම් චන්ද්‍රසිරි බණ්ඩාර මහතා සඳහන් කරයි.
අල වර්ග 68 ක් වගා කරන ලෝකයේ එකම ප්‍රදේශය වන්නේ ද කෑගල්ල දිස්ත්‍රික්කය බව සඳහන් කළ දිස්ත්‍රික් ලේකම්වරයා ජාතික වශයෙන් සංවිධානය කරනු ලබන ප්‍රදර්ශනයක් මඟින් අල ගොවීන්ට දේශීය මෙන්ම විදේශීය වටිනාකමක් ද හිමිවනු ඇති බවත් ප්‍රකාශ කළේය.
විශේෂයෙන් කෑගල්ල දිස්ත්‍රික්කයේ අල ගොවියන් අපනයන මට්ටමේ ව්‍යවසායකයන් බවට පත්කිරීම සඳහා මෙවැනි දේශීය අල මංගල්‍යයක් වඩාත් වැදගත් වනු ඇත. දිස්ත්‍රික් කෘෂිකර්ම කමිටුවට සහභාගී වෙමින් කෑගල්ල දිස්ත්‍රික් ලේකම්වරයා මෙම අදහස් පළකළේය.
DMU/Kegalla
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
