ඒ මහතා මේ බව පැවසුවේ පසුගියදා රත්නපුර පිහිටි සබරගමුව පළාත් සභා ශ්‍රවණාගාරයේ පැවති විශේෂ සාකච්ඡාවකට එක් වෙමිනි.
මේ වන විටත් දකුණු කොරියානු රජය සහ සබරගමුව පළාත් සභාව එක්ව කෑගල්ල පිටිහුම ගම බිම්මල් ගම්මානය සහ ඇහැලියගොඩ පහලගම මැටි කර්මාන්තය ඇතුළු ග්‍රාමීය ප්‍රජාව සවිබල ගැන්විමේ ව්‍යාපෘති රැසක් ක්‍රියාවට නංවා ඇත.
ඒ සඳහා දකුණු කොරියානු රජය මේ වන විටත් රුපියල් ලක්ෂ 600 පමණ මුල්‍ය ප්‍රතිපාදන ලබා දී ඇත.
ඊට අමතරව දකුණු කොරියානු සේවකයින් හා තාක්ෂණය ද ලබා දීමට කටයුතු කර ඇත.
රඹුක්කන හේවාදිවෙල ප්‍රදේශයේ දී ඉදිරියේ නව බිම්මල් ගම්මානයක් ආරම්භ කිරීමට ද මෙහි දී දකුණු කොරියානු තානාපතිවරයා එකගතාව පල කළහ.
මීට අමතරව ස්වයං රැකියා, සම්ප්‍රදායික කර්මාන්ත, ධාන්‍ය නිෂ්පාදන, බෝග වගාව ඇතුළු කර්මාන්ත රැසක් ඉදිරියේ දී සබරගමුව පළාත තුළ දකුණු කොරියානු රජය සහ සබරගමුව පළාත් සභාව එක්ව ආරම්භ කිරීමට ද මෙහිදි එකඟත්වය පල කරනු ලැබීය.
මෙම අවස්ථාවට සබරගමුව පළාත් ප්‍රධාන අමාත්‍ය මහීපාල හේරත්, ප්‍රථම ලේකම් කියොන්ග් මී යුන්ග් මෙනවිය, අධ්‍යක්ෂ වූ හියුන් චේ, කළමනාකරු හර්ෂණ මධුරංග සහ සම්බන්ධීකාරක විරාජ් සම්පත් යන මහත්වරුන් සහභාගී වූහ.
