පළාත් මට්ටමින් සංවිධානය කරනු ලබන මෙම ප්‍රවර්ධන වැඩසටහන් මාලාවේ සමාරම්භක අවස්ථාව අද (03) දින මහනුවර දිස්ත්‍රික් ලේකම් කාර්යාල පරිශ්‍රයෙන් ආරම්භ වූ බව මහනුවර දිස්ත්‍රික් ලේකම් කාර්යාලය සඳහන් කරයි.
ඒ අනුව අද දිනයේදී ඵලදායීතා ලේකම් කාර්යාලයේ කාර්ය මණ්ඩලය මඟින් මහනුවර සහ මාතලේ දිස්ත්‍රික්කයන්හි මෙම ප්‍රවර්ධන වැඩසටහන ක්‍රියාත්මක කෙරේ. හෙට දිනයේ නුවරඑළිය දිස්ත්‍රික්කයේ මෙම වැඩසටහන ක්‍රියාත්මක වන අතර, අනතුරුව මෙය දිවයින පුරා පළාත් මට්ටමින් පැවැත්වීමට කටයුතු සංවිධානය කොට තිබේ.
මහනුවර දිස්ත්‍රික් ලේකම් එච්.එම්.පී. හිටිසේකර මහතා සහ ඵලදායීතා ලේකම් කාර්යාලයේ අතිරේක අධ්‍යක්ෂ සුරංග ගුණරත්න යන මහත්වරුන්ගේ ප්‍රධානත්වයෙන් පැවති මෙම අවස්ථාව සඳහා මධ්‍යම පළාතේ ඵලදායීතා සංවර්ධන නිලධාරින් රැසක්ද සහභාගී වූහ.
