අපදා කළමණාකරන අමාත්‍යංශයේ ජාතික ආපදා සහන සේවා මධ්‍යස්ථානය මඟින් නියඟය හා අනෙකුත් හදිසි ආපදා අවස්ථාවලදී භාවිතයට ගැනීම සඳහා ට්‍රැක්ටර් ජල බවුසර් 7ක් රත්නපුර දිස්ත්‍රික්කයට ලබා දුන් බව රත්නපුර දිස්ත්‍රික් මාධ්‍ය ඒකකය සඳහන් කරයි.
ඵම ට්‍රැක්ටර්,බවුසර් පසුගිය දා අපදා කළමනාකරණ අමාත්‍යවරයා සහ ඵම නියෝජ්‍ය අමාත්‍යවරයා අතින් රත්නපුර දිස්ත්‍රික් ලේකම් කාර්යාලය වෙත භාරදීම සිදු කෙරිණි.
මෙම ට්‍රැක්ටර් , බවුසර්වල මුළු වටිනාකම එක් කොටි විසි දෙලක්ෂ පනස්දහසක් පමණ වේ. මෙම ටැක්ටර්, බවුසර් රත්නපුර, කුරුවිට, ඇහැළියගොඩ, පැල්මඩුල්ල,බලංගොඩ, ඉඹුල්පේ හා කොළොන්න යන ප්‍රාදේශීය ලේකම් කොට්ඨාස වෙත ලබා දීමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
