මේ වන විටත් ඇතැම් පිරිස් රජයේ ඉඩම්හී ජීවත් වුවත් ඔවුන් වෙත එම ඉඩම් අයිතිය නොතිබීම හේතුවෙන් තම දරුවන් පාසලකට ඇතුලත් කිරීමට පවා නොහැකි වී ඇති බවත් එනිසා තමන්ගේ දරුවන්ගේ අනාගතය පිළබඳව පවතින අනාරක්ෂිත බව විශාල ගැටලුවක් බවත් ජනතාව අමාත්‍යවරයාට පෙන්වා දුන්නේය.
මෙම ඉඩම් අයිතිය ලබාදීම තුළින් එම බාධාවන් ඉවත් වීම මහත් වූ සහනයක් ලබාදුන් බව ප්‍රකාශ කළ ජනතාව ඒ සම්බන්ධයෙන් මැදිහත් වී කටයුතු කළ අමාත්‍යවරයාට මෙහිදී සිය ස්තූතිය පිරිනෑහ.
මෙම අවස්ථාව සඳහා දකුණු පළාත් සභා මන්ත්‍රී ජයසිරි නානායක්කාර, බෙන්තොට ප්‍රාදේශීය ලේකම් වසන්ත විතානගේ යන මහත්වරුන් ඇතුලු පිරිසක් එක්ව සිටියහ.