රාජ්‍ය නිලධාරීන්ගේ රසඥතාව වැඩිදියුණු කිරීමේ අරමුණින් සෞන්දර්ය කලා විශ්වවිද්‍යාලයේ ජ්‍යෙෂ්ඨ කතිකාචාර්ය සමන් පනාපිටිය මහතා විසින් මෙහෙය වන ලද “ප්‍රාසාංගික හෙළ ජන ගී මියැසිය” සංගීත වැඩසටහන පසුගියදා කෑගල්ල දිස්ත්‍රික් ලේකම් අබේවික්‍රම වනසූරිය මහතාගේ ප්‍රධානත්වයෙන් දිස්ත්‍රික් ලේකම් ශ්‍රවණාගාරයේ දී පැවැත්විණි.
ජන කවිය ජන සමාජයේ සියළුම අංශ කෙරේ බලපා ඇති අයුරු විවිධ ජන ගී අනුසාරයෙන් ප්‍රාසාංගිකව ඉදිරිපත් කිරීමක් මෙහිදී සිදු කෙරිණි. මේ අවස්ථාව සඳහා කෑගල්ල අතිරේක දිස්ත්‍රික් ලේකම් ප්‍රභාත් උදාකර, රුක්මණී ආරියරත්න, කෑගල්ල සහකාර දිස්ත්‍රික් ලේකම් සමන් අනුර යන මහත්ම මහත්මීන් ඇතුළු දිස්ත්‍රික් ලේකම් කාර්යාලයේ නිලධාරීන් , සාහිත්‍ය බල මණ්ඩල සාමාජිකයන්, දිස්ත්‍රික් කවි සමාජයේ සමාජිකයන් ඇතුළු පිරිසක් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
