පසුගිය වර්ෂයේ අධික වර්ෂාව හේතුවෙන් අරණායක ප්‍රදේශයේ නායයාම් හා අධිඅවධානම් කලාප වල ජීවත් වූ ජනතාව සඳහා අරණායක ප්‍රදේශිය ලේකම් කොට්ඨාසයේ කලුගල ග්‍රාම සේවා වසමේ නිවාස 80 ක් ඉදිකිරීමේ කටයුතු මේ වන විට ආරම්භ කර ඇති බව කෑගල්ල දිස්ත්‍රික් මාධ්‍ය ඒකකය සඳහන් කරයි.
ඉන් නිවාස 40 ක් රාජ්‍ය නොවන සංවිධායක් මගින් ඉදි කරනු ලබන අතර එම නිවාස 40 හි ඉදිකිරීම සදහා කෑගල්ල දිස්ත්‍රික්කයේ පාසල් 10 ක බාලදක්ෂ කණ්ඩායම් වල 150 ක් පමණ දෙනා ශ්‍රම සහභාගිත්වය ලබාදිමේ වැඩසටහනක් ද පසුගියදා පැවැත්විණි.
මෙම අවස්ථාවට එම පාසල්වල බාලදක්ෂ කණ්ඩායම් භාර ගුරුවරුන්ද , ශ්‍රී ලංකා බාලදක්ෂ සංගමයේ සභාපති ශ්‍රීනාත් ගුණරත්න, කෑගල්ල දිස්ත්‍රික් බාලදක්ෂ කොමසාරිස් දීපාල් ගුණවර්ධන හා ජපානයේ ක්වාංෂි ලාකුෂිං විශ්වවිද්‍යාලයේ අදෂි හෂේන් ආචාර්යවරයා ඇතුළු ජපානයේ ශිෂ්‍ය ශිෂ්‍යාවෝ 20 ක් ද සහභාගි වි සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
