උසස් අධ්‍යාපන හා මහාමාර්ග අමාත්‍යාංශය හා මාර්ග සංවර්ධන අධිකාරියේ මෙහෙයවීමෙන් දීප ව්‍යාප්තව ක්රියාත්මක කෙරෙන මාර්ග සති සංවර්ධන වැඩසටහනමාතලේ විල්ගමුව සංස්කෘතික මධ්‍යස්ථානයේදී ශ‍්‍රී ලංකා පාර්ලිමේන්තුවේ සභානායක,උසස් අධ්‍යාපන හා මහාමාර්ග අමාත්‍ය ගරු ලක්ෂ්මන් කිරිඇල්ල මහතාගේ ප‍්‍රධානත්වයෙන් පසුගිය දා සිදු කෙරිණි.
විල්ගමු පුබුදුව මාර්ග සති වැඩසටහන මඟින් මාර්ග සංවර්ධනයට අමතරව අධ්‍යාපන සංස්කෘතික කටයුතු, සෞඛ්‍යය,පරිසර නිවාස, කෘෂිකාර්මික කටයුතු ඇතුළු ක්ෂේත‍්‍ර රැසක් ආවරණය වන පරිදි ජනතාවගේ අවශ්‍යතාවයන්ට මූලිකත්වය දෙමින් වැඩසටහන් ක්රියාත්මක කෙරේ.
දින 08 ක් අඛණ්ඩව ක්රියාත්මක වන මාර්ග සති වැඩසටහනේ මාර්ග සංවර්ධන කටයුතු ග‍්‍රාම නිලධාරි වසම් 39 ක් ආවරණය වන පරිදි මාර්ග ව්‍යාපෘති 102 ක් ක්රියාත්මක කිරීමට නියමිතය.මේ සඳහා වැය කෙරෙන මුදල රුපියල් ලක්ෂ 880 කි.
මාතලේ දිස්ත‍්‍රික් පාර්ලිමේන්තු මන්තී‍්‍රනි රෝහිණි කුමාරි විජේරත්න කිවිරත්න මහත්මිය, ඇතුළු ජනතාව විශාල පිරිසක් මෙම අවස්ථාවට සහභාගී වූහ.
