කුඩා හා මධ්‍ය පරිමාණ ව්‍යවසායකයන් මුහුණ දෙන අභියෝග හඳුනාගැනීම, තිරසර කුඩා ව්‍යාපාර බිහිකිරීම, ව්‍යවසාය සංවර්ධනය ඇතුළු අරමුණු රැසක් මුදුන්පත් කර ගැනීම සඳහා මෙම දිස්ත්‍රික් ව්‍යවසායකත්ව සංවර්ධන කමිටු ආරම්භ කෙරේ. මෙම කමිටු මගින් කුඩා හා මධ්‍ය පරිමාණ ව්‍යවසායකයන් සඳහා ඉහළ මට්ටමේ ප්‍රතිලාභ රැසක් හිමිවන අතර ඔවුන් මුහුණ දෙන අභියෝග සඳහා විසඳුම් ලබා දීමට අගමැති ප්‍රමුඛ ජාතික මෙහෙයුම් කමිටුව වෙත අවසානයේ දී යොමු කෙරේ. මේ අවස්ථාව සඳහා රාජ්‍ය නිලධාරීන්, බැංකු නිලධාරීන්, ව්‍යවසායකයින්, වෙළඳ සංගම් නායකයින් ඇතුළු පිරිසක් සහභාගී වී සිටියහ.
