දැඩි නියං සහිත කාලගුණික තත්ත්වය හේතුවෙන් ගම්පහ දිස්ත්‍රික්කයේ ප්‍රාදේශීය ලේකම් කොට්ඨාස 07ක ග්‍රාම නිලධාරී වසම් 189ක ජනතාව සඳහා පානීය ජල පහසුකම් සැලසීමට පියවර ගෙන ඇති බව ගම්පහ දිස්ත්‍රික් ලේකම් කාර්යාලය සඳහන් කරයි.
කටාන, දිවුලපිටිය, මීරිගම, මිනුවන්ගොඩ, ගම්පහ, අත්තනගල්ල සහ මහර යන ප්‍රාදේශීය ලේකම් කොට්ඨාසයන්හි පවුල් 15, 929 කට අයත් සාමාජිකයින් 100535 දෙනෙකු සඳහා මෙසේ ජල පහසුකම් සැපයීමට පියවර ගෙන ඇත.
මේ වන විට ගම්පහ දිස්ත්‍රික්කයේ නල ජල සැපයුම නොමැති බොහෝ ප්‍රදේශයන්හි ළිං සිදී යමින් පවතී. එම ජනතාවට පානීය ජලය ලබා දීමට ග්‍රාම නිලධාරීන්ගේ දැනුම් දීම පරිදි ප්‍රාදේශීය ලේකම්වරුන්ගේ අනුමැතිය යටතේ පළාත් පාලන ආයතනයන් මගින් පියවර ඇත.
DMU/Gampaha
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
