දිස්ත්‍රික් ලේකම් ගාමිණී ඉලංගරත්න මහතාගේ උපදෙස් පරිදි අතිරේක දිස්ත්‍රික් ලේකම් ආර්.එම්.ආර්. රත්නායක මහතාගේ අධීක්ෂණය යටතේ 2017 ජනවාරි සිට පෝෂණ මළු ලබාදීමේ වැඩසටහන ක්‍රියාත්මක වන බව දිස්ත්‍රික් සම්බන්ධීකරණ මුල් ළමාවිය සංවර්ධන නිලධාරී ඩබ්.ආර්.එම්.සී. සෙනෙවිරත්න මහතා පවසයි.
මෙම වසරේ දී නියමිත දිනයන් හි අදාළ මව්වරු පෝෂණ ඇසුරුම් ලබා නොගන්නේ නම් ඒවා අවලංගු කිරීමට සිදුවන බව ඒ මහතා වැඩිදුරටත් පැවසීය. මෙම වැඩසටහනේ ප්‍රතිලාභ ඉතා දිළිදු ගැබිණි මව්වරු, කිරිදෙන මව්වරු මෙන්ම ඉහළ ආදායම් ලබන මවුවරු ද ලබා ගන්නා බව සෙනෙවිරත්න මහතා වැඩිඳුරටත් පැවසීය.
මෙම වැඩසටහන සඳහා පසුගිය වසරේ රුපියල් 499,665,971.5ක මුදලක් වැය කොට ඇති බවත් 98.06% ප්‍රගතියක් ලබා ගෙන ඇති බවත්, ඒ මහතා වැඩිඳුරටත් සඳහන් කළේය.
