ඒ මහතා ප්‍රකාශ කළේ බේරේ වැව අවට ඉඩම් අක්කර 150 ක් සංවර්ධනය කර නව වාණිජ මධ්‍යස්ථානයක් ලෙස ගොඩ නැංවීම කඩිනමින් සිදු කරන බවයි.
මැකලම් පිවිසුම් උද්‍යානය ජනතා අයිතියට පත් කිරීමේ උත්සවයට එක්වෙමින් අමාත්‍යවරයා මේ බව සඳහන් කළේය. කොළඹ අගනගර ආශ‍්‍රිත නාගරික සංවර්ධන ව්‍යාපෘතිය යටතේ කි‍්‍රයාත්මක උප ව්‍යාපෘතියක් ලෙස මැකලම් පිවිසුම් උද්‍යානය ඉදිකෙරුණු අතර එහි සැලසුම් දායකත්වය නාගරික සංවර්ධන අධිකාරිය මගින් සපයන තිබේ. රුපියල් මිලියන 85 ක වියදමින් ඉදිකරන ලද මෙම උද්‍යානය කොළඹ නාගරික කලාපයේ ගංවතුර පාලනය කරමින් සංවර්ධනය කරා ගෙන යාමේ අඩිතාලම සැකසීමේ කි‍්‍රයාකාරකම් ගණනාවක ආරම්භයකි.
වරාය අමාත්‍යාංශය සමඟ එක් වී මැකලම් පිවිසුම විවෘත කිරීම සිදු වූ අතර ඉදිරි දශකයේ බේරේ වැව අවට සිදුවන ඒ ශ‍්‍රී ලංකාවේ ප‍්‍රධාන වාණිජ කේන්ද්‍රස්ථානය ගොඩනැංග්වීමේ වැඩපිළිවෙළේ පළවෙනි පියවර ලෙස මෙය විවෘත වූ බවත් ඒ සඳහා වසරක පමණ කාල සීමාවක් අපේ නිලධාරීන් ඉතාම වෙහෙස මහන්සිවෙලා සිංගප්පූරුවේ තමසෙක් ආයතනයේත් ආධාර ඇතිව විධිමත් සැලසුකමක් හඳුනාගෙන තිබෙන බව අමාත්‍යරයා පෙන්වා දුන්නේය.
ඉදිරි වසර 3- 4 කාලය තුළ මෙම ප්‍රදේශයේ විශාල සංවර්ධනයක් දැක ගැනීමට හැකි වනු ඇතැයි ද අමාත්‍යවරයා වැඩිදුරටත් පැවසීය.
