ශ්‍රී ලංකා පුවත්පත් මණ්ඩලයේ සංවිධානයෙන් හා මාතර දිස්ත්‍රික් ලේකම් කාර්යාලයේ මාධ්‍ය ඒකකයේ සම්බන්ධීකරණයෙන් මෙම වැඩ සටහන පැවැත්වේ.
කැලණිය විශ්ව විද්‍යාලයේ ජනසංනිවේදන අධ්‍යයන අංශයේ හිටපු අංශාධිපති, ශ්‍රී ලංකා පුවත්පත් මණ්ඩලයේ අධ්‍යක්ෂ මණ්ඩල සාමාජික මහාචාර්ය රෝහණ ලක්ෂ්මන් පියදාස, ශ්‍රී ලංකා පුවත්පත් මණ්ඩලයේ සභාපති අධිනීතිඥ කොග්ගල වෙල්ලාල බන්ධුල සහ අතිගරු ජනාධිපතිතුමාගේ ජනමාධ්‍ය උපදේශක, ශ්‍රී ලංකා පුවත්පත් මණ්ඩලයේ අධ්‍යක්ෂ මණ්ඩල සාමාජික ජ්‍යෙෂ්ඨ මාධ්‍යවේදී ගාමිණී සුමණසේකර යන මහත්වරු සම්පත් දායකයින් වශයෙන් සහභාගි වෙති.
මෙහි සමාරම්භක අවස්ථාවට මාතර දිස්ත්‍රික්කය නියෝජනය කරන මහජන නියෝජිතයින් හා මාතර දිස්ත්‍රික් ලේකම් ප්‍රදීප් රත්නායක මහතා ප්‍රමුඛ රාජ්‍ය නිලධාරීන් සහභාගි වීමට නියමිත ය.
මෙම වැඩමුළුව සඳහා මාතර දිස්ත්‍රික්කයේ සියලුම ජනමාධ්‍යවේදීන් සහභාගි වීමට නියමිතය.
AP/DMU-Matara
