ගාල්ල දිස්ත‍්‍රික්කයේ ග‍්‍රාමීය මාර්ග කිලෝ මීටර් 197ක් කාපට් කිරීම වැඩපිළිවෙළ යටතේ මූලික පියවරක් ලෙස ගාල්ල දිස්ති‍්‍රක්කය රත්ගම ආසනයේ ඇති අබලන් ග‍්‍රාමීය මාර්ග 4 ක් කාපට් කර සංවර්ධනය කිරීම ජනමාධ්‍ය හා ආණ්ඩු පක්ෂයේ ප‍්‍රධාන සංවිධායක ගාල්ල දිස්ත‍්‍රික් පාර්ලිමේන්තු මන්ත‍්‍රී ගයන්ත කරුණාතිලක මහතාගේ සංවිධානයෙන් පසුගියදා ආරම්භ විය.
ජනාධිපති මෛත‍්‍රීපාල සිරිසේන මහතාගේ සහ අග‍්‍රාමාත්‍ය රනිල් වික‍්‍රමසිංහ මහතාගේ මග පෙන්වීම යටතේ මහාමාර්ග ඇමති කබීර් හෂීම් මහතාගේ උපදෙසින් මහාමාර්ග අමාත්‍යංශය සහ මාර්ග සංවර්ධන අධිකාරිය මගින් මෙම ව්‍යාපෘතිය ක‍්‍රියාත්මක කෙරේ.
එහිදී කහව ගල්දූව මාර්ගය, තිරන ගම මාර්ගයේ බුද්ධ ජයන්ති මාවත, රත්ගම ඉම්බුළගොඩ මාර්ගය, කේ දයා පාල සිල්වා මාවත ආදී මාර්ග කිහිපයක සංවර්ධන කටයුතු මේ අනුව ආරම්භ විය.
මෙම අවස්ථාවට රත්ගම එජාප හිටපු සන්විධායක අශෝක ධනවන්ස ද සිල්වා මහතා ඇතුළු නිලධාරින් සහභාගි වූහ.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
