1938 කාන්තා උපකාරක දුරකථනය පැය 24 ම සක්‍රීය කෙරේ. ශ්‍රී ලංකාව ඇතුළු සාක් රටවල මෙම උපකාරක දුරකථන සේවාව කාන්තා හිංසනය වැළැක්වීමට ක්‍රියාත්මක කිරීමට නියමිත බව කාන්තා කටයුතූ අමාත්‍යාංශය පවසයි.කාන්තා කටයුතු ඇමතිනී චන්ද්‍රාණි බණ්ඩාර මහත්මියගේ උපදෙස් පරිදි ආරම්භ කිරීමට පියවර ගැනේ. මෙහි ප්‍රධාන පරමාර්ථය වනුයේ රැකවරණය හා ආරක්ෂාව අවශ්‍ය කාන්තාවන්ට කඩිනම් හා වඩා පුළුල් සේවාවක් සැපයීමයි.
මේ ව්‍යාපෘතිය සඳහා අනිත් සාක් රටවලින් ආධාර මුදල් දීම සඳහා එකඟතාව පළ කරන සාකච්ඡාවක් පසුගිය දා කාන්තා කටයුතු අමාත්‍යාංශයේ දී කාන්තා කටයුතු අමාත්‍ය චන්ද්‍රාණි බණ්ඩාර මහත්මියගේ ප්‍රධානත්වයෙන් හා සාක් රටවල මෙම ව්‍යාපෘතියට මුදල් ලබාදෙන බංගලාදේශයේ කාන්තා කටයුතු දෙපාර්තමේන්තුවේ ව්‍යාපෘති කළමනාකරු අබිදුල් හුසේන් මහතාගේ සහභාගීත්වයෙන් පැවැත්වුණි.
