බෙන්තර ඇල්පිටිය මැතිවරණ කොට්ඨාසයේ ඉඳුරුව ප‍්‍රාදේශීය ලේකම් කොට්ඨාසය තුළ පිහිටි ඉඳුරුව සෞඛ්‍ය වෛද්‍ය කාර්යාලයේ දී ගැබිණි මව්වරුන්ට රජය විසින් ලබා දෙනු ලබන පෝෂණ මළු භාරදීමේ අවස්ථාවට එක්වෙමින් ඇමතිවරයා මෙම අදහස් පළ කරන ලදී.
මෙහිදී ගැබිණි මව්වරුන් 87 දෙනෙකු සඳහා පෝෂණ මළු බෙදා දීම සිදු කෙරුණි. බෙන්තොට ප‍්‍රදේශීය ලේකම් කාර්යාලයේ පූර්ණ අධීක්ෂණය යටතේ මෙම පෝෂණ මළු බෙදා දීම සිදු කෙරුණි.
මෙහිදී වැඩිදුරටත් අදහස් දැක් වූ ජනමාධ්‍ය අමාත්‍යවරයා, ළමා කටයුතු ඇමතිනී රෝසි සේනානායක මහත්මියගේ විශේෂ ඉල්ලීමක් තිබුණා ගාල්ල දිස්ත‍්‍රික්කය තුළ පෝෂණ මළු බෙදාදීම පිළිබඳව සොයා බලන ලෙසට. අපි විශේෂයෙන් මෙම වැඩසටහන ක‍්‍රියාත්මක කරන නිලධාරීන්ට උපදෙස් ලබා දුන්නා මෙම පෝෂණ මළුවල අඩංගු ආහාර ද්‍රව්‍යවල ප‍්‍රමිතිය පිළිබඳව සැලකිලිමත් වන ලෙස. ඒ අනුව සෑම ප‍්‍රාදේශීය ලේකම් කාර්යාලයකම මහජන සෞඛ්‍ය නිලධාරීන්ගේ විශේෂ අධීක්ෂණයක් මේ සඳහා ලැබී තිබෙනවා.
ලෝකයේ උතුම්ම මව් පදවිය ලැබීමට ඉන්න මේ සියලු දෙනාටම ත‍්‍රිවිධ රත්නයේ ආශිර්වාදයෙන් නිරෝගිමත් දරුවන් ලැබීමට වාසනාව ලැබේවායි ඇමතිවරයාගේ ප‍්‍රාර්ථනාව විය. ඉඳුරුව, ගල්තුඩුව, ගෝනගලපුර, හඹුරුගල මධ්‍යම බෙහෙත් ශාලාව සහ තුන්දූව ප‍්‍රදේශවලදී ගැබිණි මව්වරුන්ට පෝෂණ මළු බෙදා දීම සිදු කෙරුණි. සෑම මසකටම රුපියල් 2000ක වටිනාකම් ඇති පෝෂණ මල්ලක් ලබා දෙන අතර මාස 10ක් පුරා රුපියල් 20,000ක් වැනි විශාල මුදලක් එක් ගැබිණි මාතාවක් සඳහා රජය මඟින් වැය කරන බව ද අමාත්‍යවරයා මෙහිදී අවධාරණය කළේය.
NDH
