කතෝලික බයිබල් දැනුම මිනුම තරග සිංහල, දෙමළ සහ ඉංග්‍රීසි භාෂා ත්‍රිත්වයෙන්ම පැවැත්වීමට කටයුතු සම්පාදනය කර ඇති බවත් දැනට මීසම් හා පදවි මට්ටමින් දිවයින පුරා තරග පැවැත්වෙන බවත් ක්‍රිස්තියානි ආගමික කටයුතු පිළිබඳ දෙපාර්තමේන්තු අධ්‍යක්ෂ ඒ.ආර්. ගුණවර්ධනා මහතා රජයේ නිල පුවත් වෙබ් අඩවියට ප්‍රකාශ කළේය.
බයිබල් දැනුම මිනුම තරගාවලිය ප්‍රශ්න විචාරාත්මක, කථික සහ බයිබලීය කතා ඇසුරින් නාට්‍ය යන තරග අංශ 03 යටතේ සිදු කෙරෙන බවත් අවසන් තරගය සැප්තැම්බර් මාසයේ දී සිදු කිරීමට නියමිත බවත් ඒ.ආර්. ගුණවර්ධනා මහතා පැවසීය.
කතෝලික සභා පියතුමන්ලා සහ ජාතික ක්‍රිස්තියානි මණ්ඩලයේ සභාවල පියතුමන්ලා මෙම තරගාවලියේ සංවිධානාත්මක කටයුතු සිදු කරති.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
