ගිගුරුම් සහිත වැසි අද (10) සවස් කාලයේ දී බලාපොරොත්තු විය හැකි බව කාලගුණ විද්‍යා දෙපාර්තමේන්තුව පවසයි.
කාර්යභාර කාලගුණ විද්‍යාඥ ජනක කුමාර මහතා රජයේ නිලපුවත් වෙබ් අඩවියට සඳහන් කළේ, අද (10) උදය කාලයේ තරමක් වැසි ඇති වීමේ ඉඩකඩ පවතින බවත් බස්නාහිර මුහුදු ප්‍රදේශයේ වර්ෂාව ඇති වීමේ ඉඩකඩ වැඩි බවත් ය.
ගත වූ පැය 24 තුළ උදෑසන 5.30 වන විට රත්මලාන ප්‍රදේශයට මිලිමීටර 15ක වර්ෂාපතනයක් ද කෑගල්ල ,වාගොල්ල ප්‍රදේශයට මිලිමීටර 16ක වර්ෂාපතනයක් වාර්තා වූ බව ද කාලගුණ විද්‍යා දෙපාර්තමේන්තුව පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
