වෙසක් උත්සවය වෙනුවෙන් මහනුවර දිස්ත්‍රික් ලේකම් කාර්යාලය මඟින් වැඩසටහන් රැසක් පැවැත්වීමට සංවිධානය කොට තබේ. ඒ අනුව එළඹෙන වෙසක් පොහෝ දින (03) වෙසක් පහන් කූඩු තරගයක් සහ ප්‍රදර්ශනයක් සංවිධානය කොට ඇති අතර, ඒ සඳහා දිස්ත්‍රික් ලේකම් කාර්යාලයේ සියලුම අංශ සහභාගී වීමට නියමිතය. එම වැඩසටහනට සමඟාමීව මහනුවර අවට කෝරලේ ප්‍රාදේශීය ලේකම් කාර්යාලය මඟින් භක්ති ගීත වැඩසටහනක් ද සංවිධානය කොට ඇති අතර, එම කාර්යාලයේ කාර්ය මණ්ඩලය ඊට සහභාගී වීම විශේෂත්වයකි.
වෙසක් පොහෝ දිනට පසු දින (04) දින ප.ව. 7.00 ට දිස්ත්‍රික් ලේකම් කාර්යලීය පරිශ්‍රයේ මල් වෙඩි සංදර්ශනයක් පැවැත්වීමටද කටයුතු යොදා ඇති අතර, 05 දින පෙ.ව. 9.00 ට විශේෂ ධර්ම දේශනාමය වැඩසටහනක් ද පැවැත්වෙනු ඇත. මෙම වැඩසටහන් වලට අමතරව දිස්ත්‍රික් ලේකම් කාර්යාලීය පරිශ්‍රයේ පැවැත්වෙන බුදු මැදුර තීන්ත ආලේප කොට අලුත්වැඩියා කිරීමටද කාර්ය මණ්ඩලය මඟින් කටයුතු යොදා තිබේ.
මහනුවර දිසාපති එච්.එම්.පී හිටිසේකර මහතාගේ ප්‍රධානත්වයෙන් මෙම උත්සව පැවැත්වීමට සංවිධායක මණ්ඩලය කටයුතු යොදා තිබේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
