අයහපත් යුදමය වාතාවරණය හේතුවෙන් යේමනයේ සිරවී සිටි ශ්‍රී ලාංකීය වැසියන් 29දෙනෙකු ඊයේ රාත්‍රියේ (08) බණ්ඩාරනායක ජාත්‍යන්තර ගුවන් තොටුපළෙන් දිවයිනට පැමිණියහ.
චීන රජයේ උපකාරයෙන් මෙම ශ්‍රී ලාංකිකයින් පසුගිය අඟහරුවාදා (07) ජිබුටි රාජ්‍ය වෙත පැමිණියේ මුහුදු මාර්ගයෙන් චීන නෞකාවකිනි.
ඒ අනුව ශ්‍රී ලංකා රජයේ ඉල්ලීම මත යේමනයේ රැඳී සිටි ශ්‍රී ලාංකිකයින් 45ක් ද Linyi නාවික යාත්‍රාවෙන් පිටතට රැගෙන ඒමට චීන රජය කටයුතු කළේය.
මේ අතර යේමනයේ ගැටුම් හේතුවෙන් සිරවී සිට චීන රජයේ සහයෙන් එරටින් පිට වූ තවත් පිරිසක් ඉදිරි දිනවලදී දිවයිනට ගෙන්වා ගැනීමට රජය කටයුතු කරමින් සිටියි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
