ඉන්ෆ්ලුවන්සා යනු ශ්වසන ආසාදන තත්ත්වයකි. මෙය යම් පුද්ගලයෙකුගෙන් තවත් පුද්ගලයෙකුට බෝවනු ඇත. උණ, හිසරදය, ඇඟපත වේදනාව, උගුරේ අමාරුව, කැස්ස, නසයෙන් සොටු දියර ගැලීම හා වමනය පාචනය (තිබීමට හෝ නොතිබීමට පුළුවනි) යනාදිය ඉන්ෆ්ලුවන්සා රෝග ලක්ෂණ වේ. යි. මේ රෝග ලක්ෂණ ඇත්නම් සෙනඟ ගැවසෙන ස්ථාන මගහැරීම, නිතර ලේන්සුව පාව්චිචි කිරීම, නිතර දෑත් සබන් යොදා පිරිසිදු කිරීම, ලේක්සුව නිතර සේදීම, ටිෂූ ආරක්ෂිත අන්දමින් ඉවත දැමීම, සුදුසුකම් සහිත වෛද්‍යවරයෙකු ඉතා ඉක්මනින් මුණගැසී වෛද්‍ය ප්‍රතිකාර ලබා ගැනීමෙන් වලක්වා ගත හැකි බව ද ඇය ප්‍රකාශ කළාය.
අධ්‍යක්ෂවරිය මේ බව ප්‍රකාශ කළේ ඉන්ෆ්ලුවන්සා රෝගය පිළිබඳ අද (24) රජයේ ප්‍රවෘත්ති දෙපාර්තමේන්තු ශ්‍රවණාගාරයේ පැවති මාධ්‍ය දැනුවත් කිරීමට එක්වෙමිනි.
මේ රෝගය ඇතැම් අවස්ථාවල දී විශේෂයෙන් ළදරුවන්, ගර්භනී කාන්තාවන් හා වයස්ගත පුද්ගලයන් හට වැළදිය හැකි අතර එය අසාධ්‍ය වීමට ද පුළුවනි. ඉන්ෆ්ලුවන්සා රෝගයේ A, B, C යනුවෙන් කාණ්ඩ 03කි. A කාණ්ඩය කුරුළු, කුකුළු, ඌරා හා අශ්වයා යන සතුන්ගෙන් බෝවන අතර මෙතෙක් ලංකාවේ එවැනි රෝගියෙකු වාර්තා වී නැත. B, C කාණ්ඩ මිනිසුන් අතර පැතිර යන ඉන්ෆ්ලුවන්සා රෝගය වේ. A(H1N1) ඉන්ෆ්ලුවන්සා රෝගය පසුගිය කාලයේ මුළු ලොව පුරා පැතිර ගිය අතර ශ්‍රී ලංකාවේ පවතින්නේ A(H3N2) වර්ගය බව ද වෛද්‍ය පලිහවඩන මහත්මිය වැඩිදුරටත් සඳහන් කළාය.
NDH
