අමාත්‍යවරයා එම අදහස පළ කළේ පසුගියදා ගාල්ල දිස්ති‍්‍රක්කයේ තල්ගම්පොළ වත්තහේන ශ‍්‍රී මේධංකර දහම් පාසලේ පැවති වාර්ෂික ත්‍යාග ප‍්‍රදානෝත්සවයේදීය.
2012/ 2013 වසරවල තරග විභාගවලට ඉදිරිපත් වූ දරුවන්ට තිළිණ හා සහතිකපත‍්‍ර මෙහිදී ප‍්‍රදානය කෙරෙණි.
තවදුරටත් සභාව ඇමතූ අමාත්‍යවරයා, වර්තමාන සමාජයේ අවාසනාවන්ත සිදුවීම් දෙස බලන විට, අපේ සමාජය ධර්මයෙන් ඈත් වූවා නම් අනාගතය කෙබදු වේ දැයි වැඩිහිටියන් කල්පනා කර බලන්න. දහම් පාසලේ වටිනාකමත්, ඊට දරුවන් යොමු කිරීමේ අවශ්‍යතාවත් දෙමාපියන් තේරුම් ගෙන කටයුතු කළ යුතු වෙනවා.
බුදුරජාණන් වහන්සේගෙන් පසුව මේ ධර්මයේ නායකයා කවුදැයි ආනන්ද රහතන් වහන්සේ ප‍්‍රශ්න කළ විට, බුදුන් වහන්සේ ප‍්‍රකාශ කළේ ධර්මයත්, විනයත් මූලික වන බවයි. ඒ අනුව දරුවන්ට ධර්මයත්, විනයත් කුඩා කළ සිට හුරුපුරුදු කිරීමට දහම් පාසලේ අධ්‍යාපනය මහත් පිටුවහලක් සපයනවා. විනය හා ශික්ෂණයෙන් තොර වූ පුද්ගලයා සමාජයට වැඩදායක පරාර්ථකාමියෙකු වන්නේ නැහැ. මහජන නියෝජිතයන් මෙන්ම ප‍්‍රභූන් ද ගමේ දහම් පාසල දියුණු කිරීමට හැකි උපකාර අනුග‍්‍රාහ කිරීමට යහපත් සමාජයක් උදා කිරීමට කරන මහත් පුණ්‍යකර්මයක් බව ද පැවසීය.
NDH
