රක්ෂිත තුළ දඬයම් කිරීම හා හේන් වගාව නැවැත්විමට පියවර ගෙන තිබෙන බව තිරසර සංවර්ධන හා වනජීවි අමාත්‍ය ගාමිණී ජයවික්‍රම පෙරේරා මහතා අද (05) පාර්ලිමේන්තුවේ දී ප්‍රකාශ කළේ ය.

ඉදිරියට මෙම උත්තරීතර සභාවේ ගෞරවයට හානිවන ආකරයට කටයුතු කිරීමෙන් වැළකී සිටින ලෙසත් පාර්ලිමේන්තු සම්ප්‍රදායන් නොපිරිහෙළා ආරක්ෂා කිරීමට තමන් අවධාරණය කරන බවත් අනාගතයේ මෙවැනි සිදුවීම් ඇති නොවන බවට වග බලගැනීම ජනතා නියෝජිතයින් වශයෙන් අප සියලු දෙනාගේ වගකීම බවත්  කතානායක කරූ ජයසූරිය මහතා අද (05) පාර්ලිමේන්තුවේ දී ප්‍රකාශ කළේ ය.

පාර්ලිමේන්තුවේ මන්ත්‍රීවරු දෙපිරිසක් අතර ඇති වූ ගැටුම පිළිබඳව සිදු කළ පරීක්ෂණයෙන් අනතුරුව නියෝජ්‍ය අමාත්‍ය පාලිත තෙවරප්පෙරුම මහතාගේ සහ පාර්ලිමේන්තු මන්ත්‍රී ප්‍රසන්න රණවීර මහතාගේ පාර්ලිමේන්තු සේවය සතියක කාලයක් තාවකාලිකව අත්හිටවිමට පර්ලිමේන්තුව තීරණය කළේ ය.

ආණ්ඩුක්‍රම ව්‍යවස්ථා මණ්ඩලයේ දෙවැනි රැස්වීම අද (05) කතානායක කරූ ජයසූරිය මහතාගේ ප්‍රධානත්වයෙන් පෙ.ව.9.30ට පාර්ලිමේන්තුවේ දී රැස්විය.