පක්ෂ නායක රැස්වීමේ දී සාකච්ඡා කළ පරිදි සිවු පුද්ගල කමිටු වාර්තාව ඊළඟ පාර්ලිමේන්තු සැසිවාරයට පෙර ඉදිරිපත් කිරීමට යොජනා වූ බවත් ඊළඟ පක්ෂ නායක රැස්වීමේ දී ඉදිරි පියවර ගන්නා බවත් කතානායක කරූ ජයසූරිය මහතා අද (06) පාර්ලිමේන්තුවේ දී ප්‍රකාශ කළේ ය.

පරිපූරක ඇස්තමේන්තුවෙන් කිසිම මිළඳී ගැනීමක් නොමැති බවත් සභාව නොමඟ නොයවන ලෙසත් මුදල් රාජ්‍ය අමාත්‍ය ලක්ෂ්මන් යාපා අබේවර්ධන මහතා පාර්ලිමේන්තුවේ දී ප්‍රකාශ කළේ ය.

පාර්ලිමේන්තුවේ දී ඊයේ (05)  විවාදය කළ පරිපූරක ඇස්තමේන්තුව ඡන්ද විමසීම පිළිබඳව විපක්ෂය විසින් මතුකරන ගැටළුව සම්බන්ධයෙන් සොයා බැලීමට කතානායකවරයා විසින් සිවු පුද්ගල කමිටුවක් පත් කළ අතර ඒ පිළිබඳව තවදුරටත් සාකච්ඡා කර තීරණයක් ලබදීමට පක්ෂ නායක රැස්වීමක් කැඳවීමට කතානායක කරූ ජයසූරිය මහතා විසින් තීරණය කළේ ය.

සියලුම මැතිවරණ කොට්ඨාශවල පවත්නා ග්‍රාමීය මාර්ග සංවර්ධනය කරන බවත් සංවර්ධන ව්‍යාපෘති සඳහා මුදල් ලබාදෙන බවත් මේ වසරේ සියලු වැඩ අවසන් කිරීමට හැකියාව ලැබෙන බවත් මුදල් රාජ්‍ය අමාත්‍ය ලක්ෂ්මන් යාපා අබේවර්ධන මහතා පවසයි.