දූෂණය අවම කරලා, ආයෝජනය හරහා රට ගොඩනගන්නයි අපේ සැලැස්ම.ඒ සඳහා අඬිතාලම දමා තිබෙනවා.ශ්‍රී ලංකන් ගුවන් සමාගම විකුණනවා කියලා වෙන වෙන චිත්‍ර මවන්න හදනවා. ශ්‍රී ලංකන් ගුවන් සමාගමේ ප්‍රතිව්‍යුහගතකරණ සැලැස්ම ඉදිරියට යනවා යැයි රාජ්‍ය ව්‍යවසාය සංවර්ධන නියෝජ්‍ය අමාත්‍ය ඉරාන් වික්‍රමරත්න මහතා පවසයි.

මූල්‍ය බෝම්බය පිපිරීමට පෙර රාජ්‍ය බලය පික් පොකට් ගසන්නට පැවැති රජය උත්සහ කළත් එය හරිගියේ නැති බවත් රට ආර්ථික වශයෙන් ගොඩනැගීමට නම් විධිමත් ආර්ථික ප්‍රතිපත්තියක්, ආයෝජන ප්‍රතිපත්තියක්,සැලසුම් සහගත සංවර්ධන ක්‍රියාවලියක් ආරම්භ කළ යුතු බවත් මහානගර හා බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.

දැඩි වර්ෂාපතනය හා අයහපත් කාලගුණය හේතුවෙන් හානියට පත් නිවාස වෙනුවෙන් ලක්ෂ 25 දක්වා වන මූල්‍ය ආධාර ලබදීමට කටයුතු කරන බව ආපදා කළමනාකරණ අමාත්‍ය අනුර ප්‍රියදර්ශන යාපා මහතා පවසයි.

පවතින අයහපත් කාලගුණ තත්ත්වය හේතුවෙන් විපතට පත් පුද්ගලයන් 1,34,446ක් ආරක්ෂිත ස්ථානවල සිටින බවත් මේ වනවිටත් ඔවුන් වෙනුවෙන් වියළි ආහාර ඇතුළු සියලු පහසුකම් සැලසීමට කටයුතු කර තිබෙන බවත් ආපදා කළමනාකරණ අමාත්‍ය අනුර ප්‍රියදර්ශන යාපා මහතා පවසයි.