ප්‍රතිපත්තියක් මෙන් ම නිසි වැඩපිළිවෙළක් නැති ඔවුන්ට ඇත්තේ පහර ගැසීමේ කලාව පමණක් බව පෙන්වා දුන් ජනාධිපතිතුමා රට, ජාතිය ගැන නොසිතමින් බලය ලබා ගැනීම සඳහා පමණක් ඔවුන් අද විවිධ ප්‍රකාශ සිදුකරමින් සිටින බව ද කියා සිටියේය.
ජනාධිපතිතුමා මේ බව කියා සිටියේ අද (13) මාතලේ ප්‍රදේශයේ සංචාරයක නිරත වෙමින් දඹුල්ල ආර්ථික මධ්‍යස්ථානය අසල දී එම ජනතාව හමුවෙමිනි.
දඹුල්ල ප්‍රදේශයේ දසදහසකට අධික ජනතාවක් ජනාධිපතිතුමා පිළිගන්නට එම ස්ථානයට රැස් ව සිටි අතර මහත් හරසරින් යුතු ව ජනාධිපතිතුමාව පිළිගෙන එතුමා සිය ආචාරය පුද කර සිටියහ.
දඹුල්ල ආසනයේ ශ්‍රී ලංකා නිදහස් පක්ෂ භික්ෂු බලමණ්ඩලයේ ලේකම් පූජ්‍ය ඇතාබැඳිවැව උපාලි ස්වාමීන්වහන්සේ ඇතුළු මහා සංඝරත්නය ද මෙම අවස්ථාවට වැඩම කර සිටි අතර අමාත්‍ය ජනක බණ්ඩාර තෙන්නකෝන්, පළාත් සභා අමාත්‍ය ප්‍රමිත බණ්ඩාර තෙන්නකෝන් මහත්වරු ඇතුළු පළාත්සභා හා පළාත් සභා දේශපාලඥයින් රැසක් ද එක් ව සිටියහ.
HC/pmu_Pix by: Sudath Silva
