වර්තමාන ශ්‍රී ලාංකේය බෞද්ධ පුනරුදයේ පුරෝගාමියා වශයෙන් මෙන් ම සමස්ත බෞද්ධ ලෝකයාට ම පූර්වාදර්ශයක් වෙමින් ජනාධිපති මහින්ද රාජපක්ෂ මැතිතුමා සම්බුද්ධ ශාසනය වෙනුවෙන් ඉටුකරන සුවිශේෂී මෙහෙවර අගයමින් තායිලන්ත රජය විසින් එතුමා වෙත ආචාර්ය උපාධියක් පිරිනමනු ලබයි.
සම්බුද්ධ ශාසනයේ චිරස්ථිතිය සහ අභිවෘද්ධිය මෙන් ම ආදර්ශපූර්වාත්මක ජාති හිතෛෂී අභීත නායකත්වය උදෙසා තායිලන්ත රජතුමාගේ අධීක්ෂනය යටතේ පවත්වාගෙන යනු ලබන සුරින්ද්‍ර රාජබට් විශ්වවිද්‍යාලය මඟින් මෙම ආචාර්ය උපාධිය පිරිනමා ඇත.
ජනාධිපතිතුමා වෙත මෙම ආචාර්ය උපාධිය පිළිගැන්වීම අද (23) අනුරාධපුරයේ දී සඳහිරු සෑයේ සර්වඥ ධාතු තැන්පත් කිරීමේ පුණ්‍යෝත්සවය අවස්ථාවේදී සුරින්ද්‍ර රාජබට් විශ්වවිද්‍යාලයේ විශේෂ නියෝජිතයෙකු අතින් සිදු විය.
HC/pmu_Pix by: Sudath Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
