5 ශ්‍රේණිය ශිෂ්‍යත්වය සමත් සෑම සිසුවෙකුට ම ශිෂ්‍යාධාර මුදල සෑම මසක ම කලට වෙලාවට ලැබිය යුතු බවත් එවැනි දෙයක් යම් පාසලක සිදු වී නැත්නම් සොයා බලා නිසි ක්‍රියාමාර්ග ගන්නා බවත් අධ්‍යාපන අමාත්‍ය බන්දුල ගුණවර්ධන මහතා පවසයි.
අමාත්‍යවරයා මෙසේ පැවසුවේ පාර්ලිමේන්තු මන්ත්‍රිනී තලතා අතුකෝරල මහත්මිය විසින් අද (21) පාර්ලිමේන්තුවේදී වාචික පිළිතුරු අපේක්ෂාවෙන් අසන ලද ප්‍රශ්නයක දී නැඟූ අතුරු ප්‍රශ්නයකට පිළිතුරු දෙමිනි.
ජනාධිපති මහින්ද රාජපක්ෂ මැතිතුමාගේ 2015 අයවැය යෝජනා අනුව රුපියල් 500 සිට 1500 දක්වා වැඩි කළ ශිෂ්‍යාධාර මුදල ලබන ජනවාරියේ සිට ශිෂ්‍යත්වය සමත් 25,000ක් දෙනා වෙත ලබා දෙන බවත් අමාත්‍යවරයා සඳහන් කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
